Ciencia en práctica: os nosos proxectos finais do Club de ciencias

O terceiro trimestre estivo cheo de actividade no CLUB DE CIENCIAS, xa que realizamos moitos experimentos moi interesantes e divertidos. Puxemos en práctica todo o que aprendemos ao longo do ano, traballando en equipo e observando atentamente cada resultado. Cada experimento permitiunos descubrir cousas novas e gozar da ciencia dun xeito máis práctico e emocionante, rematando o trimestre con moitas experiencias interesantes. Agardamos que vos gusten! 💫

Experimento 8: Lentellas saltarinas

1. Enchemos un recimiente de vidro con auga.

2. Engadísmoslle lentellas ao recipiente con auga.

3. A continuación, ao mesmo recipiente botámoslle unha cullerada de bicarbonato e removemos ben para que se disolva.

4. Para rematar, engadimos o vinagre e observamos como as lentellas saltan dentro da auga.

 

Experimento 9: Vermes que se moven

1. Separamos as capas do papel de cociña e coa axuda dun lapis, enroscamos unha delas coma se fose un verme.

2. Decoramos con rotuladores ao gusto.

3. Vertemos auga sobre os vermes de papel e observamos como se moven.

Experimento 10: Torre de cores

1. Engadimos xabón para pratos nun recipiente de vidro.

2. A un recipiente con auga botámoslle colorante azul e engadímolo con coidado ao por encima do recipiente que ten o xabón.

3. A continuación, por encima da auga, engadimos aceite.

4. Para rematar, engadimos un pouco de alcol.

5. Observamos que, debido ás densidades, todos estes líquidos non se mesturan.

 

Experimento 11: Cromatografía

1. Recortamos papeis de filtro en forma de círculo.

2. Debuxamos un círculo no medio e dobramos en 2 metades.

3. Nun paso engadimos un pouquiño de auga e metemos a punta do papel de filtro.

4. Esperamos 10-20 minutos e observamos como a cor inicial se foi descompoñendo en varias cores.

  Experimento 12: Pintura con maicena

1. Nun bol, mesturamos media taza de auga cunha taza de maicena.

2. Removemos ben ata que quede uniforme.

3. Vertemos o líquido en diferentes vasiños e a cada un engadímoslle unha cor diferente.

4. Removemos ben e comezamos a pintar!

5. Unha vez seco, teremos un debuxo que parece tiza pero sen que se borre.